Մարտ 23-24-ին, ժամը` 10:00-էն 18:00, Երեւանի Պետական Համալսարանի 8-րդ ուսումնական մասնաշէնքի (Հայ բանասիրութեան բաժանմունք) նախասրահին մէջ (հասցէ` Աբովեան 52 ա), ՀՀ Սփիւռքի նախարարութեան եւ «Սուրիահայերու հիմնախնդիրները համակարգող կեդրոն» հասարակական կազմակերպութեան նախաձեռնութեամբ, տեղի պիտի ունենայ «Սուրիահայ մշակոյթի շունչը Երեւանի մէջ» խորագիրով բարեգործական ցուցահանդէս-տօնավաճառ` նուիրուած Հայ Առաքելական Սուրբ Եկեղեցւոյ Սուրբ Յարութեան տօնին:
Ցուցահանդէս-տօնավաճառի ժամանակ պիտի ներկայացուին սուրիահայերու ձեռքի աշխատանքները` զարդեր, խմորեղէն, ճաշատեսակներ, համեմունքներ, ձեռագործ աշխատանքներ եւայլն:
