17 Մարտ 2016-ին Հայ կաթողիկէ Մեսրոպեան բարձրագոյն վարժարան այցելեցին, Հայաստանի Ամերիկեան համալսարանի նախագահ դոկտ. Արմէն ՏէրԿիւրեղեան եւ փոխ նախագահ դոկտ. Աշոտ Ղազարեան, ընկերակցութեամբ Հ.Բ.Ը.Միութեան Լիբանանի պատասխանատու ներկայացուցիչներէն տիկին Անիթա Լիպարեանի: Հիւրերը ընդունուեցան Լիբանանի հայ կաթողիկէ վարժարաններու տնօրէններու խորհուրդի կազմի անդամներուն կողմէ, գլխաւորութեամբ խորհուրդի նախագահ Գերյարգելի Հայր Գէորգ ծ.վ. Եղիայեանի:
Մեսրոպեանի Եսայեան սրահին մէջ կայացած աւելի քան մէկ ժամ տեւած հանդիպումին՝ քննարկուեցան երկկողմ հետաքրքրութեան բազմաթիւ հարցեր: Մասնաւորաբար Հայաստանի բարձրագոյն կրթութեան մարզին մէջ առաջատար հաստատութիւն հանդիսացող՝ Ամերիկեան համալսարանի ղեկավարները ներկայացուցին համալսարանի կարգավիճակին, կրթական ծրագիրներուն, ընդունելութեան եւ այնտեղ ուսանելու պայմաններուն մասին սպառիչ տեղեկատուութիւն: Իրենց կարգին Հայ կաթողիկէ վարժարաններու տնօրէններն ու խորհուրդի նախագահը, հիւրերը իրազեկեցին լիբանանահայ կրթական կեանքի խնդիրներուն շուրջ, շեշտելով տեղեկատուութեան փոխանակման եւ գործակցութեան ընդլայնումին կարեւութիւնը՝ Հայաստանի եւ լիբանանահայ կրթական կառոյցներուն միջեւ:
Տեղեկատուական գրասենեակ
Հայ Կաթողիկէ Մեսրոպեան Բարձրագոյն Վարժարանի
