*ՍԵՒԱԿ ՅԱԿՈԲԵԱՆ*
Հակառակ Լիբանանի քաղաքական հորիզոնի մթագնութեան, վերջին օրերուն բաւական տարածուեցաւ յառաջիկայ Ապրիլին՝ նախագահական ընտրութիւն մը յաջողցնելու լուրերը:
Թէ ի՞նչ տուեալներու վրայ հիմնուած է ամէն մակարդակի վրայ կրկնուող այս հանկերգը չեմ գիտեր: Հակառակ այն իրողութեան, թէ նախագահ չընտրելու երեւոյթն է, որ անտրամաբանական է, սակայն նկատի ունենալով տուեալները, արդեօ՞ք ամենաբարձր մակարդակի քաղաքական գործիչներու լեզուով տարածուող այս լուրը, որոշ հանդարտութիւն մը ստեղծելու կը միտի, թէ լուրջ փորձ մըն է ճեղք մը ստեղծելու այս ուղութեամբ, թէկուզ կայսերական հատումով մը վերջ դնելու այս անհեթեթ երկունքին:
