Երեքշաբթի, 23. 04. 2024

spot_img

Արամ Խաչատրեան Եղած է Միակ Օտարը Որուն Եգիպտոսի Նախագահը Պարգեւատրած Է Առաջին Կարգի Շքանշանով

Արդէն 100 տարի անցած է քսաներորդ դարու առաջին Ցեղասպանութեան թուականէն, պատմութիւնը արձանագրած է 1915 թուականի հայոց մէկ ու կէս միլիոն  ջարդերը, որոնք կատարուած են թուրքերուն կողմէ, վերապրածներու բռնագաղթը դէպի անապատներ, հայոց Հայրենիքի բռնագրաւումը եւ թալանումը: Այս մասին ըստ «Հայերն Այսօր»ի գրած է Մէքաուի Սայիտ «Էլ-Մասրի Էլ-Եաում» թերթին մէջ:

Տարօրինակ է, որ այդ ատեն իբրեւ թուրքերու տիրապետութեան ենթակայ ժողովուրդ, Միջին Արեւելքէն առաջին դատապարտող ձայնը հնչեց Եգիպտոսի Էլ Ազհար իսլամական  կեդրոնէն, շէյխ Սէլիմ Էլ Պիշրիի կողմէ արձակուած ֆէթուան (մուֆթիի վճիռ), որ կ’արգիլէր եւ կը զգուշացնէր ցեղային ջարդեր կատարելը։ Այս մասին նշուած է 1909 Ապրիլ 28-ին, եգիպտական «Էլ Մուէյէտ» թերթին մէջ:

 

Եգիպտոս ընդունեց բռնագաղթած հայեր, անկախ Թուրքիոյ ճնշումներէն՝ կանխելու հայերու մուտքը Եգիպտոս:  Հայերը ապրեցան եւ Եգիպտոսի ժողովուրդին հետ մաս կազմեցին բոլոր ասպարէզներուն մէջ՝ քաղաքական թէ արուեստի։ Յիշենք հաշուապահ պարոն Կարօ Եագուպը` հայ եգիպտացին, որ ըսած է «Եգիպտոսը դրախտ է… հաւատացէք, իրմէ գեղեցիկը չկայ»:

Հայերը եղած են հռչակաւոր արուեստագէտներ, նկարիչներ, երաժիտներ եւ դերասաններ։ Հրաշալի դեր ունեցած են երաժշտութեան ասպարէզին մէջ՝ ստեղծելով շարք մը երաժշտական խումբեր, որոնք իրենց համերգներով գրաւած են եգիպտական հասարակութիւնը, եւ որոշ չափով նպաստած արեւելեան երաժշտութեան զարգացման:

1962ին յայտնի հայ երաժշտահան Արամ Խաչատրեանի համերգը կը համարուի մեծ իրադարձութիւն Եգիպտոսի մէջ՝ յատկապէս, որ այդ շրջանի Եգիպտոսի նախագահ Ապտըլ Նասէրը պարգեւատրած է Խաչատրեանը՝ արուեստի Առաջին Կարգի շքանշանով, որ աննախընթաց երեւոյթ է Եգիպտոսի մէջ՝ հաշուի առնելով, որ ոեւէ օտար Եգիպտոսի կողմէ չէ պարգեւատրուած այդ մետալով:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին