Ամերիկահայ գրող եւ լուսանկարիչ Մեթիւ Քարանեանի «Պատմական Հայաստանը 100 տարի Անց» ուղեցոյցը, INDIEFAB–ի 2015 թուականի «Տարուան Գիրք» մրցանակաբաշխութեան ընթացքին յայտնուած է՝ ճանապարհորդական Գիրքերու Մրցոյթի եզրափակիչ փուլի մէջ: Այս մասին կը հաղորդէ Armenianweekly.com-ը։
2015ին տպագրուած գիրքը իր տեսակով առաջինն է՝ որպէս Արեւմտեան Հայաստանի մշակութային վայրերուն ծանօթացնող պատմական ուղեցոյց: Ան կ’ընդգրկէ 125 գունաւոր լուսանկարներ եւ քարտէզներ, որոնց մէկ մասը ունի մէկ դարու հնութիւն:
Մեթիւ Քարանեան , գիրքի լաւագոյններէն մէկը ճանչցուելուն առիթով, իր գոհունակութիւնը յայտնած է : «Պատմական Հայաստան» աշխատութիւնը հրատարակելու պատճառներէն մէկը եղած է, լուսաւորել պատմական Հայրենիքի մէջ հայերու` շատ յաճախ մոռացութեան մատնուած մշակութային ժառանգութիւնը», նշած է գիրքին հեղինակը:
