Հինգշաբթի, 25. 04. 2024

spot_img

Հայոց Ցեղասպանութեան Մասին Գըրգորեանի Ֆինանսաւորած Ֆիլմը Կրնայ Յաւակնիլ «Օսկար»ի

Ժամանցային The Playlist պլոքը կանխատեսած է՝ 2017 թուականի «Օսկար»ի նախորդող Ակադեմական մրցանակաբաշխութեան կարճ ցուցակին մէջ ընդգրկուելիք ֆիլմերու մասին` անոր մէջ ներառելով Հայոց Ցեղասպանութեան մասին պատմող երկար սպասուած «Խոստումը» ֆիլմը, որուն գլխաւոր դերասաններն են յայտնի Օսկար Այզեքը եւ Քրիսթիան Պէյլը:

Ինչպէս կը հաղորդէ «Արմէնփրես»­ը, «Ասպարէզ» պարբերականը կը գրէ, որ բեմադրիչ Թերի Ճորճի «Խոստումը» ֆիլմը դեռ կը նկարահանուի, սակայն կ՛ակնկալուի, որ նկարահանումները երկար չեն տեւեր: «Ֆիլմը Օսմանեան կայսրութեան վերջին օրերուն իրականացած Հայոց Ցեղասպանութեան ժամանակ սիրային եռանկիւնի մասին է: Բացի այդ ան ունի յառաջատար դերասանական կազմ, մասնաւորաբար խօսքը երկու արական սեռի ներկայացուցիչներու` «Ոսկէ կլոպուս»­ի դափնեկիր Օսկար Այզեքի եւ օսկարակիր Քրիսթիան Պէյլի մասին է», ­կը գրէ պարբերականը:

Կ՛ակնկալուի, որ ֆիլմը պիտի սկսի ցուցադրուիլ 2016ին: Ամերիկահայ յայտնի գործարար, միլիառատէր Գըրգ Գըրգորեան մահուընէ առաջ հոգացած է, որ Հայոց Ցեղասպանութեան մասին իր շարժանկարի նախագիծը նկարահանուի: Ֆիլմը կը նկարահանէ Survival Pictures  ընկերութիւնը, որ կը ղեկավարեն Էրիք Էսրայիլեանը եւ Էնթօնի Մանտեկիչը:

Գըրգորեանի Tracinda Corporation-­ը պիտի ֆինանսաւորէ այդ ընկերութիւնը ինչպէս այս, այնպէս ալ միւս շարժանկարի նախագիծերու պարագային: Ֆիլմի նկարահանումները  պիտի կայանան Մատրիտի շրջակայքը, Սէկովիոյ եւ Աւիլայի մէջ:

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին