Քրիստոնէական Համաշխարհային Ջանից Միութեան նախագահ վեր. Քալաման Ատորեան, ընկերկացութեամբ իր տիկնոջ՝ ընկերային ծառայող Էվա Ատորեանի, 2 Մարտ 2016-ին այցելութիւն կատարեց Հայ կաթողիկէ Մեսրոպեան բարձրագոյն վարժարան եւ ծանօթացաւ անոր կրթական առօրեային ու ծրագիրներուն: Վարժարանի տնօրէն պարոն Կրէկուար Գալուստի հետ հանդիպումէ ետք, հիւրերը գոհունակութեամբ արտայայտուեցան Մեսրոպեան վարժարանին մէջ տիրող կրթական կարգին մասին:
Վեր. Ատորեան, որ նաեւ Ռումանիոյ Աւետարանական եկեղեցւոյ ներկայացուցիչներէն է, այս օրերուն կը գտնուի Լիբանան, ուր ճանաչողական այցելութիւններ կը կատարէ հայկական կրթական եւ եկեղեցական հաստատութիւններ:
Տեղեկատուական Գրասենեակ
Հայ Կաթողիկէ Մեսրոպեան Բարձրագոյն Վարժարանի
