Երկուշաբթի, 20. 05. 2024

spot_img

Սումկայիթի Զոհերու Յիշատակին

*ՌՈՊԵՐԹ  ԿԱՐԱՊԵՏԵԱՆ*

 

28 տարի առաջ, 1988ի Փետրուար 26-ին զանգուածային հայկական կոտորած տեղի ունեցաւ Սումկայիթի եւ Պաքուի մէջ։ 1915ի Հայոց Ցեղասպանութենէն յետոյ, այս մէկը երկրորդ  ցեղասպանութիւնն էր, որ իրականացաւ սովետական Ազրպէյճանի թուրքերու կողմէ։ Հազարաւոր հայ փախստականներ ցրուեցան աշխարհով մէկ, որոնց մէկ մասն ալ հանգրուանեցաւ Նիւ Եորք։ Սումկայիթի կոտորածներուն անիրաւութիւն տեղի ունեցաւ, որուն զոհ դարձան բազմաթիւ մարդիկ։ Մարդիկ, որոնց միակ մեղքը Հայ ըլլալն էր։

Փետրուարի 28-ին Նիւ Եորքի Սբ․Վարդան Մայր տաճարին մէջ տեղի ունեցաւ Սբ․ պատարագ՝ Սումկայիթի եւ Պաքուի անմեղ զոհերու յիշատակին։ Արարողութիւնը շարունակուեցաւ հայոց զոհերու յիշատակին նուիրուած Խաչքարի մօտ։ Օրուան պատարագողն էր Սբ․ Վարդան Մայր տաճարի լուսարարապետ Հայր Մամիկոն Քելեջեանը։  Պատարագէն յետոյ մասնակիցները հաւաքուեցան տաճարի Գավուքչեան սրահը, ուր հանդիսութիւնը բացաւ Պրուքլինի հայկական համայնքի ղեկավար Մարիանա Պակտասարովան։ Բովանդակալից ելոյթ ունեցաւ «Ուղիղ օգնութիւն հայ համայնքին» կազմակերպութեան հիմադիր եւ նախագահ դոկտոր Սվետլանա Ամիրխանեանը։ «Ամբողջ տարիներու ընթացքին մենք հայուն պատիւը բարձր պահած ենք։ Մենք քիչ ենք, բայց մեզ հայ են ասում, եւ բոլոր պարագաներու մէջ մենք մեր տեղը ունինք։ Մենք աշխատած ենք բարձր որակով։ Պրուքլինի մէջ հիմնեցինք հայկական դպրոց, ուր մեր երախաները կը սորվին հայոց քրիստոնէական կրօնքը, պատմութիւնը, լեզուն եւ հայկական արուեստը։ Մենք մեր յաջողութիւններով պէտք է հարուած հասցնենք տեղի ազրպէյճանցիներուն, որպէսզի անոնք զգան եւ պատկերացնեն, որ մեզի ոչ ոք չի կրնար յաղթել», ըսաւ դոկտոր Սվետլանա Ամրիխանեանը։

Հետաքրքրական ելոյթներով հանդէս եկան Միքայէլ Բագեանը, Եուրի Ծատուրեանը, Վիթալի Ատամալեանը եւ Լեռնային Ղարաբաղի հանրապետութեան մշտական ներկայացուցիչ Արթուր Մարտիրոսեանը։ Այնուհետեւ ներկաները ջերմութեամբ ընդունեցին, Պրուքլինի հայկական դպրոցի ջութակահարներու անսամպլի (ղեկավար Դիանա Վալիսեան), «Աստղիկներ» մանկապատանեկան երգչախումբի (ղեկավար Մարիա Սահակեան), ինչպէս նաեւ Եւգենիա Սարեանի եւ Ծովինար Աղավեանի ելոյթները։

Լուսանկարները՝ հեղինակի

DSC_2473

DSC_2508

DSC_2595

DSC_2619

DSC_2627

DSC_2651

DSC_2695

DSC_2746

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին