Սումկայիթի ջարդերուն մասին Բակուր Կարապետեանի «Սումգայիթեան օրագիր» գիրքի անգլերէն տարբերակը արդէն հասանելի է բոլորին:
Գիտութիւններու ազգային ակադեմիաի մէջ տեղի ունեցած է գիրքին շնորհանդէսը: Անիկա ելեկտրոնային տարբերակով տեղադրուած է «Հիմնարար հայագիտութեան» կայքին մէջ, որ կը կարդան աշխարհի 110 երկիրներու մէջ:
Գիրքը 1988 թուականի Փետրուար 27-29-ին Ազրպէյճանի Սումկայիթ քաղաքին մէջ տեղի ունեցած հայերու ջարդերուն մասին է: Դէպքերէն մէկ ամիս անց գիրքին հեղինակը մեկնած է Սումկայիթ, տեղւոյն վրայ արձանագրած է ջարդերուն պատմութիւնները: Բակուր Կարապետեան հանդիպած է նաեւ ջարդերու կազմակերպիչներուն, այցելած տարբեր վայրեր, եղած խմբագրութիւններ եւ թաքնուած տեսախցիկով արձանագրած է դէպքերուն մասին պատմող ամէն ինչ:
Արդիւնքը «Սումկայիթեան ալիքներ» 54 վայրկեաննոց տեսաֆիլմն է եւ «Սումկայիթեան օրագիր» աշխատութիւնը:
