Ղարաբաղա-ազրպէյճանական հակամարտ զօրքերու սահմանագծին վրայ, Փետրուար 24-ի գիշերը եւ լոյս 25-ին նկատուած է լարուածութեան աճ:
Լեռնային Ղարաբաղի Հանրապետութեան Պաշտպանութեան նախարարութեան մամուլի ծառայութեան տեղեկութիւններով, նշուած ժամանակահատուածին հակառակորդը տարբեր տրամաչափի հրաձգային զինատեսակներէ, հայ դիրքապահներու ուղղութեամբ արձակած է շուրջ 1700 կրակոցներ:
Պաշտպանութեան Բանակի առաջապահ զօրամասերը համարժէք պատասխան տուած են հակառակորդի սադրիչ գործողութիւններուն եւ անհրաժեշտ քայլեր ձեռնարկած սահմանագծի ամբողջ երկարութեամբ՝ մարտական դիրքերու պահպանութիւնը յուսալիօրէն կազմակերպելու համար:
