Արցախի հանրապետութեան նախագահ Բակօ Սահակեան, Փետրուար 23-ին շնորհաւորական ուղերձ յղած է Հայրենիքի պաշտպանի օրուան առիթով:
Նախագահի աշխատակազմի տեղեկատւութեան գլխաւոր վարչութեան հաղորդած տեղեկութիւններով՝ ուղերձին մէջ նշուած է.
«Սիրելի՛ հայրենակիցներ,
Արցախի Հանրապետութեան իշխանութիւններու եւ անձամբ իմ անունէս ի սրտէ կը շնորհաւորեմ ձեզ Հայրենիքի պաշտպանի օրուայ առթիւ:
Այսօր տօն է Արցախի իւրաքանչիւր ընտանիքի մէջ, որովհետեւ մեր երկիրին մէջ դժուար է գտնել ընտանիք մը, որ մասնակից չըլլայ Հայրենիքի պաշտպանութեան սուրբ գործին: Տօն է մեր ամբողջ ժողովրդին համար, որովհետեւ Արցախի ազատութեան ու անկախութեան կերտման մասնակցած են շատ քաջ հայորդիներ աշխարհի տարբեր ծայրերէն:
Ես կը շնորհաւորեմ բոլորդ եւ յատկապէս անոնց, որոնք օր ու գիշեր կը հսկեն հայրենի երկիրի սահմանները, կը պաշտպանեն հարազատ ժողովուրդի անդորրը` հնարաւորութիւն տալով մեզի ապրիլ ու արարել խաղաղ երկինքի տակ: Անոնք մեր խիզախ զինուորներն են, սպաներն ու զօրավարները, ան մեր հերոսական բանակն է, որ եղած է, կայ ու կը մնայ մեր ժողովուրդին հպարտութիւնն ու պարծանքը, անոր անվտանգութեան հիմնական երաշխաւորը: Յաւե~րժ փառք ու պատիւ Արցախի նուիրեալ զաւակներուն:
Թանկագի՛ն բարեկամներ,
Այս տօնական օրը կը մաղթեմ բոլորիդ խաղաղութիւն, քաջառողջութիւն, յաջողութիւններ ու ամենայն բարիք, Հայրենիքի պաշտպաններուն անպարտելի ուժ ու զօրութիւն»:
