Կիրակի, 26. 05. 2024

spot_img

Գիրքի Շնորհանդէս

*ՌՈՊԵՐԹ  ԿԱՐԱՊԵՏԵԱՆ*

Հայոց Ցեղասպանութեան 100ամեայ տարելիցի շրջանակներուն մէջ, Փետրուար 19- ին Նիւ Եորքի Սրբոց Նահատակաց Ամէնօրեայ Վարժարանի (ՍՆԱՎ) մէջ, տեղի ունեցաւ ամերիկահայ անուանի գրող-թատերագիր, Հայաստանի գրողներու միութեան անդամ դոկտոր Հրանդ Մարգարեանի «Նահատակ 13 գրողներ» գիրքի շնորհանդէսը։ Բարձր գնահատանքի արժանի գիրք մը, որ գրուած է անգլերէնով։

Երեկոյի ընթացքին գիրքի հեղինակը սահիկներու միջոցով մէկ առ մէկ անդրադարձաւ՝ այն գրողներու կեանքին ու գործունէութեան, որոնք 1915ին գազանաբար սպաննուեցան երիտթուրքերու կողմէ կազմակերպուած հայոց զանգուածային ջարդերու ընթացքին։ Ներկաները ջերմութեամբ ընդունեցին վարժարանի աշակերտներ Գրիգոր եւ Մելինէ  Անտրեոբուլոսներուն, Դալար Յովսէփեանին, Կերի Պարոնին, Անահիտ Ինջիգուլեանին, Պրիաննա Թահմիզեանին եւ Շանթ Ինճոյեանին, որոնք հատուածներ ընթերցեցին նահատակ գրողներ Դանիէլ Վարուժանի, Թլկատինցիի եւ Գեղամ Բարսեղեանի ստեղծագործութիւններէն։

Շնորհանդէսի վերջաւորութեան վարժարանի աշակետներուն, ուսուցիչներուն եւ բազմաթիւ հիւրերուն անունով, գիրքի հեղինակ Հրանդ Մարգարեանին շնորհաւորեց եւ ջերմ շնորհակալական խօսք ըսաւ վարժարանի տնօրէնուհի Զարմինէ Պօղոսեան։

 DSC_1981

DSC_1999

DSC_2062

DSC_2131

DSC_2162

DSC_2142

DSC_2165

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին