Եւրոպական Միութեան հետ Հայաստանի համագործակցութիւնը կը հիմնուի առաջին հերթին ընդհանուր արժէքային համակարգի վրայ: Այս մասին յայտարարեց Հայաստանի Ազգային Ժողովի նախագահ Գալուստ Սահակեան, Եւրոպական խորհրդարանի Պահպանողականներու եւ բարեկարգիչներու խմբակի նախագահին հետ ունեցած տեսակցութեան ընթացքին: Սահակեան հաստատեց, որ Եւրոպական Միութիւնը եղած է եւ կը շարունակէ մնալ Հայաստանի կարեւոր գործընկերներէն մէկը: Ան նշեց, որ Եւրոպական Միութեան հետ Հայաստանի համագործակցութիւնը կը հիմնուի առաջին հերթին ընդհանուր արժէքային համակարգի վրայ եւ մեր երկիրը հաստատակամ է Եւրոպական Միութեան հետ յարաբերութիւնները խորացնելու եւ ընդլայնելու հարցով: Եւրոպացի հիւրը շեշտեց, որ իրենք կը զօրակցին ղարաբաղեան հակամարտութիւնը երկխօսութեան միջոցաւ լուծելու սկզբունքին:
