Փետրուար 11-12-ին, ժամը` 10:00-18:00, Երեւանի Պետական Համալսարանի (ԵՊՀ) 8-րդ ուսումնական մասնաշէնքի (Հայ բանասիրութեան բաժանմունքի) նախասրահին մէջ (հասցէ` Աբովեան 52 ա), ՀՀ Սփիւռքի նախարարութեան եւ «Սուրիահայերու հիմնախնդիրները համակարգող կեդրոն» ՀԿ-ի նախաձեռնութեամբ, տեղի պիտի ունենայ «Սուրիահայ մշակոյթի շունչը Երեւանի մէջ» խորագիրով բարեգործական ցուցահանդէս-տօնավաճառը` նուիրուած Հայ Առաքելական Սուրբ Եկեղեցւոյ Տեառնընդառաջ տօնին: Այս մասին կը հաղորդէ ՀՀ Սփիւռքի նախարարութեան մամուլի գրասենեակը։
Ցուցահանդէս-տօնավաճառին պիտի ներկայացուին սուրիահայերու ձեռքի աշխատանքները` զարդեր, խմորեղէն, ճաշատեսակներ, համեմունքներ եւ ձեռագործ աշխատանքներ:
