Չորեքշաբթի, 3 Փետրուար 2016-ին, Հալէպի Հայ Աւետ. Բեթէլ Եկեղեցիի Տիկնանց Վարչութեան կազմակերպութեամբ, տեղի ունեցաւ Վարդանանց Տօնակատարութիւն Սրբոյ Վարդանանց Տօնին առթիւ, առաւօտեան ժամը՝ 10:00-ին, Եկեղեցւոյ «Սողոմոնեան» Սրահէն ներս: Այս մասին կը տեղեկացնէ Հայ Աւետ. Բեթէլ Եկեղեցւոյ «Ֆէյսպուք»ի էջը:
Օրուան դասախօսութիւնը ներկայացուց Օրդ. Ալին Բանոյեան: Ան հակիրճ կերպով անդրադարձաւ Աւարայրի Ճակատամարտին եւ կոչ ուղղեց ներկաներուն՝ շեշտելով, թէ համերաշխութեան հոգին զարգացնելով փարինք մշակութային գործերուն, ամուր բռնելով մեր միասնականութիւնը եւ քաղցրութեամբ ու գուրգուրանքով միշտ պահենք մեր ինքնութիւնը, քրիստոնէական հաւատքը, հայ եկեղեցին եւ հայ դպրոցը:
Պաշտամունքը վերջ գտաւ Տէրունական աղօթքով:
