Չորեքշաբթի, 22. 05. 2024

spot_img

Եգիպտական Բեմի «Հրաշք մանուկ» Հայուհի Ֆէյրուզ Մահացած Է

Եգիպտոսի մէջ մահացած է եգիպտական Ֆիլմի հայ դերասանուհի, երգչուհի Ֆէյրուզը: Այս մասին կը յայտնէ եգիպտական Daily NEWS պարբերականը:

Պարբերականին հաղորդմամբ 73-ամեայ Ֆէյրուզը ունէր երիկամներու եւ լեարդի հետ կապուած խնդիրներ ու վերջին շրջանին անոր վիճակը ծանր էր:

Դեռ մանուկ հասակէն ստանձնած է եգիպտական շարժանկարի «Ոսկէ դար»ի աստղի փառքը: Ֆէյրուզ յայտնի դերասանուհի եւ երգչուհի Նելլի Արթին Գալաֆեանի աւագ քոյրն է:

Վերցնելով ֆէյրուզ անունը (Փիրուզ անունի արաբական ձեւը), ան կը սկսի գլխաւոր դերեր խաղալ ֆիլմերու մէջ 7 տարեկանէն սկսեալ, առաջին անգամ ելոյթ ունենալով Եասմին (1950) ֆիլմին մէջ: Ան մասնակցած է աւելի քան 10 ֆիլմերու որպէս դերասանուհի, երգչուհի, պարուհի: Ֆէյրուզ իր ամենամեծ դերը կատարած է Տահապ (1953) ֆիլմին մէջ:

3

Նշենք, որ դերասանուհին, որուն կ՛անուանէին «հրաշամանուկ», յայտնի էր երաժշտական ներկայացումներու մէջ իր դերերով: Ան  9 տարուան մէջ խաղցած է 10 դերեր, սակայն 15 տարեկանին ամուսնանալով լքած է բեմը:

2001ին Ֆէյրուզ պարգեւատրուած է Գահիրէի միջազհային շարժանկարի փառատօնին կողմէ՝ եգիպտական շարժանկարի մէջ ունեցած իր աւանդին համար:

Ֆէյրուզ` Փիրուզ Արթին Գալֆայեան ծնած է Գահիրէ 1943ին:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին