Թրեթեաքովեան պատկերասրահի եւ Ռուսական թանգարանի ղեկավարութիւնը որոշում ընդունած են, Յովհաննէս Այվազովսկիի ցուցահանդէսի այցելութեան շրջաններ կիրառել` նպատակ ունենալով այդ կերպով կանխել մարդոց հնարաւոր կուտակումները, կը յայտնէ «Արմէնփրէս»:
Ցուցահանդէսը Յուլիս 28-էն մինչեւ Նոյեմբեր 20 տեղի պիտի ունենայ Մոսկուայի, իսկ Նոյեմբերի վերջէն մինչեւ 2017 թուականի Փետրուարը` Ս. Փեթերսպուրկի մէջ: Այդ մասին լրագրողներուն յայտնած Է Թրեթեաքովեան պատկերասրահի գլխաւոր տնօրէն Զելֆիրա Տրեկուլովան, կը տեղեկացնԷ «ՌԻԱ Նովոսթի»ն:
Աշխարհահռչակ ծովանկարիչի ցուցահանդէսը նուիրուած Է անոր 200-ամեակին, որ պիտի նշուի 2017 թուականին: Այցելուները պիտի տեսնեն Այվազովսկիի 100 գեղանկարչական եւ 50 գծագրական ստեղծագործութիւններ:
«Մենք որոշում ընդունեցինք Այվազովսկիի ցուցահանդէս այցելութեան ժամանակացոյց կիրառել եւ համացանցի վրայ տոմսերը նոյնպէս վաճառել ըստ ժամանակացոյցի, որպէսզի մարդիկ հասկնան, որ եթէ իրենց տոմսը ժամը 10-ի համար Է, ապա անոնք պէտք Է գան ժամը 10-ին, որպէսզի ժամը 12-ին դուրս գան շէնքէն», ըսած Է Տրեկուլովան:
