Հայոց բանակի ռազմաքաղաքական ղեկավարութիւնը եւ բանակը ամէն ինչ կ՛ընեն` համաժողովրդական բանակի վերածուելու համար:
Այս մասին յայտարարեց Բանակի օրուան առիթով Եռաբլուր պանթէոն այցելած ՀՀ Պաշտպանութեան նախարար Սէյրան Օհանեան:
«Համաժողովրդական բանակի վերածուելու համար ամէն ինչ կ՛ընենք՝ մեր ժողովուրդին անվտանգութիւնը ապահովելու: Խորհրդանշանական է, որ այսօր առաւօտեան բոլորս կ՛այցելենք Եռաբլուր, մեր մարտական ընկերներուն եւ անոնց ընտանիքներուն շնորհաւորելու», ըստ «Արցախփրես»ի ըսած է նախարար Օհանեան:
ՀՀ Պաշտպանութեան նախարարը աւելցուցած է, որ Հայոց բանակի մարտունակութիւնը թոյլ կու տայ ըսելու, թէ հայկական բանակը տարածաշրջանի մէջ փոխգործունակ, մրցունակ եւ յաղթանակած բանակ է:
