Ուրբաթ, 19. 07. 2024

spot_img

Սէյրան Օհանեան ԼՂՀ Իշխանութիւններուն Խորհուրդ Կու Տայ Ուշադրութիւն Չդարձնել ԵԽԽՎի Մէջ Սարսանգի Ջրամբարին Վերաբերեալ Զեկոյցի Սուտ Նիւթերուն

Հայաստանի Պաշտպանութեան նախարար Սէյրան Օհանեան, Լերնային Ղարաբաղի Հանրապետութեան՝ ԼՂՀի իշխանութիւններուն խորհուրդ տուաւ Եւրոպական Խորհուրդի Խորհրդարանական Վեհաժողովի` ԵԽԽՎ-ի մէջ Սարսանգի ջրամբարին վերաբերեալ զեկոյցին մէջ առկայ սուտ նիւթերուն ուշադրութիւն չդարձնել եւ շարունակել այն քաղաքականութիւնը, որ իրականացած է այս տարիներուն ընթացքին: Այս մասին կը հաղորդէ «Արմէնփրես»ը։

Սէյրան Օհանեան նշած է, որ ԼՂՀ իշխանութիւնները ջրային տնտեսութեան եւ ջրային քաղաքականութեան առումով որդեգրած են ճիշդ ուղղութիւն եւ յատկապէս Սարսանգի ջրամբարին մէջ այդ աշխատանքները պէտք է շարունակուին:

«Խորհուրդ կը տամ սուտ նիւթերուն ուշադրութիւն չդարձնել եւ յատկապէս Սարսանգի ջրամբարին մէջ շարունակել ջրային տնտեսութեան քաղաքականութիւնը, ուր նաեւ ընկերային առումով համապատասխան միջոցառումներ կը կատարուին», ըսած է Հայաստանի Պաշտպանութեան նախարարը:

Յիշեցնենք, որ Եւրոպական Խորհուրդի Խորհրդարանական Վեհաժողովը Յունուար 26-ին փոփոխութիւններով ու լրամշակումներով ընդունեց Պոսնիայի ու Հերցեկովինայի ներկայացուցիչ Միլիցա Մարգովիչի՝ «Ազրպէյճանի սահմանամերձ բնակավայրերու բնակիչները կանխամտածուած կերպով կը զրկուին ջուրէ» թեմայով զեկոյցը: Կողմ քուէարկեցին 98, դէմ 71 պատգամաւորներ: Զեկոյցի նախագիծին քուէարկութեան ձեռնպահ էին 40 պատուիրակներ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին