Հայաստանի Պաշտպանութեան նախարար Սէյրան Օհանեան անդրադարձաւ, Եւրոպական խորհրդարանի խորհրդարանական վեհաժողովի (ԵԽԽՎ) ձմեռնային նստաշրջանի օրակարգին վրայ՝ յառաջիկային քննարկուելիք հակահայկական բանաձեւերու թեմային ըսելով, որ այդ բանաձեւերը ներկայացուած են ազրպէյճանամէտ մարդոց կողմէ: Այն հարցումին, թէ արդեօք վեհաժողովին մէջ Հայաստանի պատուիրակութեան աշխատանքի թերացման պատճառով չէ՞, որ այդ բանաձեւերը ընդունուած են համապատասխան յանձնաժողովներու մէջ, Օհանեան պատասխանեց. «Մեր պատուիրակութիւնը կը կարծեմ, իր հնարաւորութեան սահմաններուն մէջ կ’աշխատի եւ նոյնիսկ կրցած է այդ աշխատանքին մասնակից դարձնել նաեւ այլ ներկայացուցիչներ»:
