Հայոց Ցեղասպանութեան 100-րդ տարելիցին նուիրուած ձեռնարկներու նախապատրաստման եւ կազմակերպման գործին մէջ ներդրած նշանակալի աւանդին, ինչպէս նաեւ տարածաշրջանային յանձնախումբերու աշխատանքները արդիւնաւէտ կերպով համակարգելու համար, Հայաստանի Հանրապետութեան Սփիւռքի նախարար Հրանոյշ Յակոբեան պարգեւատրուած է «Հայրենիքին մատուցած ծառայութիւններուն համար» 2-րդ աստիճանի մետալով:
Այս մասին ըսուած է ՀՀ Նախագահ Սերժ Սարգսեանի` 2015 թուականի Դեկտեմբեր 28-ի հրամանագիրին մէջ:
Մէկ այլ հրամանագիրով ՀՀ Նախագահը Հայոց Ցեղասպանութեան 100-րդ տարելիցին նուիրուած ձեռնարկներու կազմակերպման աշխատանքներուն ցուցաբերած գործուն աջակցութեան համար, Մխիթար Գօշի մետալով պարգեւատրած է Հայաստանի Հանրապետութեան Սփիւռքի նախարարի տեղակալ Վահագն Մելիքեանին:
***
«Զարթօնք» կը շնորհաւորէ Հայաստանի Սփիւռքի նախարար Հրանոյշ Յակոբեանը ՝ «Հայրենիքին մատուցած ծառայութիւններուն համար» 2-րդ աստիճանի մետալով եւ անոր տեղակալ Վահագն Մելիքեանը՝ Մխիթար Գօշի մետալով պարգեւատրուելու առիթով, անոնց մաղթելով բեղուն գործունէութիւն։
