Երկուշաբթի, 17. 06. 2024

spot_img

Լեւոն Աի Կիլիկեան Ոսկեայ Մետաղադրամը Վաճառուած Է 40 Հազար Տոլարով

Կիլիկիոյ արքայ Լեւոն Առաջինի (1198-1219թթ.) գահակալութեան ժամանակաշրջանին պատկանող, հայկական շատ հազուագիւտ ոսկեայ մետաղադրամը օնլայն աճուրդով վաճառուած է 40 հազար ԱՄՆ տոլարով: Այս մասին ըստ News.am-ի կը տեղեկացնէ Cngcoins.com կայքը:

Մետաղադրամի տրամագիծը 19.5 միլիմեթր է, ծանրութիւնը 2.46 կրամ: Մետաղադրամի մէկ կողմը պատկերուած է Լեւոն Առաջինը` առիւծի գահին բազմած, ձախ ձեռքին ջրաշուշան, իսկ աջին խաչ: Մետաղադրամի հակառակ կողմը՝ ետեւի թաթերուն վրայ կանգնած երկու առիւծներ են կաթողիկոսի խաչով:

Աճուրդի դրուած մետաղադրամը ներկայացուած է Լոուրենս Ատամսի «Արարատեան հաւաքածուէն»: Լոտի մեկնարկային գինը 50 000 տոլար էր: Մետաղադրամը վաճառուած է նախորդ շաբաթ: Գնորդը յայտնի չէ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին