Հայաստանի Պաշտպանութեան նախարար Սէյրան Օհանեանի գլխաւորած պատուիրակութիւնը, Դեկտեմբեր 23-ին Մոսկուայի մէջ մասնակցած է ԱՊՀ մասնակից պետութիւններու պաշտպանութեան նախարարներու խորհուրդի հերթական նիստին, որուն օրակարգին համաձայն դիտարկուած են 20է աւելի հարցեր` համագործակցութեան տարբեր ուղղութիւններով: Այս մասին կը տեղեկացնեն ՀՀ Պաշտպանութեան նախարարութեան տեղեկատուութեան եւ հասարակայնութեան հետ կապերու վարչութենէն։
Նիստի աւարտէն յետոյ Սէյրան Օհանեան երկկողմ հանդիպումներ կ՛ունենայ Ռուսաստանի Դաշնութեան եւ Պելառուսիոյ Հանրապետութեան պաշտպանութեան նախարարներու, ինչպէս նաեւ Խրխզստանի Հանրապետութեան զինուած ուժերու գլխաւոր յանձնախումբի պետին հետ:
