Դեկտեմբեր 17-ին Հայկական Բարեգործական Ընդհանուր Միութեան հրաւէրով լոնտոնահայ Ճորճ Ճերճեանի “Daylight After a Century” ֆիլմի ցուցադրութիւնը կայացաւ ՀԲԸՄ- ի Երեւանի կեդրոնի դահլիճին մէջ:
Ըստ «Հայերն Այսօր»-ի` վաւերագրական ֆիլմը կը պատմէ Ճորճ Ճերճեանի պապի` Գէորգ Ճերճեանի 1912-1913 թուականներուն Արեւմտեան Հայաստանի տարբեր վայրերու մէջ լուսանկարած արժէքաւոր լուսանկարներու մասին, որոնք յայտնաբերուած եւ այլ արժէքաւոր փաստերու հետ նուիրաբերուած են Երեւանի Հայոց Ցեղասպանութեան թանգարան-հիմնարկին:
Վաւերագրական ֆիլմը արժանացած է Լոս Անճելոսի «ARPA Film Festival Los Angeles»-ի լաւագոյն վաւերագրական ֆիլմ եւ Թորոնթոյի «Pomegranate Film Festival Toronto»-ի լաւագոյն կարճամեթրաժ ֆիլմ մրցանակներուն:
