Հայաստանի Պաշտպանութեան նախարարութիւնը տեղեկացուց, որ երէկ ամբողջ գիշերը հակառակորդը շարունակած է սադրանքները ու կրակոցները Ղարաբաղի և Ազրպէյճանի սահմանի ամբողջ երկայնքով, հակառակ երկու երկիրներու նախագահներու հանդիպման ժամանակ ազրպէյճանական կողմի արտայայտած պատրաստակամութեան` աջակցելու սահմանին վրայ բռնութեան վտանգներու նուազեցման ուղղուած քայլերուն: Հայաստան այս խախտումներուն մասին տեղեակ պահած է ԵԱՀԿի գործող նախագահի յատուկ ներկայացուցիչը, որ իր կարգին տեղեկացուցած է Մինսքի խումբի համանախագահները: «Պաշտպանութեան բանակի ստորաբաժանումները լիովին կը վերահսկեն իրավիճակը և հակառակորդի սանձարձակութիւններուն կու տան թիրախային ու լռեցնող հակահարուածներ», ըսաւ Հայաստանի Պաշտպանութեան նախարարութիւնը: Իսկ Ազրպէյճանի պաշտպանութեան նախարարութիւնը նշեց, որ Հայաստանի եւ Ազրպյճանի զօրքերու շփման գիծին վրայ սպաննուած է ազրպէյճանցի զինուոր մը:
