Կիրակի, 26. 05. 2024

spot_img

«Այսօր Քան Երբեւէ Մենք Ականատեսն Ենք Հայոց Ցեղասպանութեան Ուրացման». Հրանոյշ Յակոբեան

Դեկտեմբեր 18ին ՀՀ Գիտութիւններու Ազգային Ակադեմիայի (ԳԱԱ) նախագահութեան նիստերու դահլիճին մէջ մեկնարկած է՝ ՀՀ Սփիւռքի նախարարութեան նախաձեռնութեամբ կազմակերպուած «Հայոց Ցեղասպանութեան ժխտողականութիւնը նոր օսմանականութեան գաղափարախօսութեան ծիրէն ներս» գիտաժողովը: Այս մասին կը հաղորդէ «Հայերն Այսօր»ը։

Բացման խօսքով ելոյթ ունեցած է ՀՀ Սփիւռքի նախարար Հրանոյշ Յակոբեան:

«Երբ 2014ին կը ծրագրէինք այս գիտաժողովը, աշխարհի վրայ տեղի ունեցող այս շեշտակի փոփոխութիւնները չէինք կրնար կանխատեսել: Ներկայի առկայ համաշխարհային, տարածաշրջանային, ներքին մարտահրաւէրներու պայմաններու մէջ, Հայաստանի խնդիրները աւելի կարեւոր քննարկման եւ ուսումնասիրման նշանակութիւն կը ստանան», նշած է Հրանոյշ Յակոբեան:

Խօսելով նոր օսմանականութեան մասին` Սփիւռքի նախարարը անդրադարձած է նաեւ այն հակասութիւններուն, որոնք առկայ են թրքական քաղաքականութեան մէջ: Ըստ նախարարին մինչ Թուրքիան կը խօսի հարեւաններու հետ զերօ խնդիրներու եւ բազմակողմ յարաբերութիւններ ստեղծելու մասին, կ՛իրականացնէ ամբողջութեամբ հակառակը` ստեղծելով մարտնչող խնդիրներ: «Սահմաններու փակ ըլլալը եւս կը վկայէ անոնց յայտարարած քաղաքականութեան եւ գործելաոճի հակասութիւններու մասին: Այսօր աւելի քան երբեւէ, մենք ականատեսն ենք Հայոց Ցեղասպանութեան ուրացման, ժխտման ու կեղծման: Իսկ այս բոլորը Թուրքիոյ խօսքի եւ գործի տարբերութիւնն է», ընդգծած է նախարար Յակոբեան:

ՀՀ ԳԱԱ Հայագիտութեան եւ հասարակական գիտութիւններու բաժանմունքի ակադեմիկոս քարտուղար Եուրի Սուվարեան իր խօսքին մէջ նշած է, որ Հայոց Ցեղասպանութեան ժխտողականութիւնը կանխելու համար պէտք է մշակել պահանջատիրութեան կառուցակարգեր` ճանաչումէն հատուցման անցնելու համար: «Այն ինչ որ կորսնցուցած ենք, վերադարձնել չ՛ըլլար, բայց հողի խնդիրը այլ է, կարելի է եւ պէտք է մշակել գործելաոճեր` զայն ետ վերադարձնելու համար», աւելցուցած է Եուրի Սուվարեան:

ՀՀ Արդարադատութեան նախարարի տեղակալ Վիգէն Քոչարեան, իր ելոյթին մէջ կարեւոր համարած է բոլոր ոլորտներու մէջ համակարգուած աշխատիլը, որուն մէկ ձեւը փոխնախարարին խօսքով այս գիտաժողովն է:

Ելոյթներէն յետոյ սկսած է առաջին նիստը, որ վարած է Երեւանի Պետական Համալսարանի (ԵՊՀ) թուրքագիտութեան ամպիոնի վարիչ Ալեքսանդր Սաֆարեան:

Նշենք, որ գիտաժողովին իրենց ծաւալուն ուսումնասիրութիւնները կը ներկայացնեն յայտնի գիտնականներ, ակադեմիկոսներ եւ թրքագէտներ:

3

4

 

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին