Այսօր՝ Դեկտեմբեր 18-ին, ժամը 10.00-ին ՀՀ Գիտութիւններու Ազգային Ակադեմիայի (ԳԱԱ) նախագահութեան նիստերու կլոր դահլիճին մէջ կը մեկնարկէ, ՀՀ Սփիւռքի նախարարութեան նախաձեռնութեամբ կազմակերպուած՝ «Հայոց Ցեղասպանութեան ժխտողականութիւնը նոր օսմանականութեան գաղափարախօսութեան ծիրէն ներս» գիտաժողովը:
ՀՀ Սփիւռքի նախարարութեան մամուլի եւ տեղեկատուութեան գրասենեակին փոխանցած տեղեկութիւններով՝ բացման խօսքով ելոյթ պիտի ունենայ Սփիւռքի նախարար Հրանոյշ Յակոբեան:
Ուղերձներով հանդէս պիտի գան ՀՀ ԳԱԱ Հայագիտութեան եւ հասարակական գիտութիւններու բաժանմունքի ակադեմիկոս քարտուղար Եուրի Սուվարեան եւ ՀՀ Արդարադատութեան նախարարի տեղակալ Վիգէն Քոչարեան:
Գիտաժողովին իրենց ծաւալուն ուսումնասիրութիւնները պիտի ներկայացնեն յայտնի գիտնականներ, ակադեմիկոսներ եւ թրքագէտներ:
