Չինաստանի Թիենձին քաղաքի կեդրոնական համերգասրահին մէջ տեղի ունեցաւ, «Հայաստանի ձայնը» խորագիրը կրող համերգ` նուիրուած հայ մեծանուն երաժշտահան Արամ Խաչատրեանին: Համերգային ծրագիրով հանդէս եկաւ Թիենձինի սիմֆոնիկ նուագախումբը` չինացի յայտնի խմբավար Չէն Սէյեանի ղեկավարութեամբ:
Ըստ Չինաստանի մէջ ՀՀ դեսպանութեան` համերգի ընթացքին հնչեցին Ա. Խաչատրեանի բազմաթիւ ստեղծագործութիւններ, ներառեալ հատուածներ «Գայեանէ» եւ «Սպարտակ» պալէներէն, «Դիմակահանդէս» շարքը: Համերգը եզրափակուեցաւ Չինաստանի մէջ լայն ճանաչում ունեցող «Սուրերով պար»ի կատարումով:
Հայկական երաժշտութեան այս իւրատեսակ տօնը հնարաւորութիւն ընձեռեց խաչատրեանական հնչիւններու միջոցով՝ անգամ մը եւս ներկայացնել հայկական մշակոյթը Չինաստանի մէջ:
