Ֆրանսայի Ազգային ժողովին մէջ Դեկտեմբեր 3-ին քուէարկութեան պիտի դրուի՝ Հայոց Ցեղասպանութեան ժխտումը քրէականացնող նոր օրինագիծը: Ինչպէս կը հաղորդէ «Արմենփրես»ը, այս մասին կը տեղեկացնէ Nouvelles d’Armenie պարբերականը:
Նոր օրինագիծին հեղինակը Ֆրանսայի Ազգային ժողովի պատգամաւոր Վալերի Պուայէն է:
2012 թուականի Յունուարին Պուայէի պատրաստած նախագիծը՝ Հայոց Ցեղասպանութեան ժխտումը քրէականացնելու վերաբերեալ ընդունուած էր Ֆրանսայի Ազգային ժողովին եւ Ծերակոյտին կողմէ, սակայն երկրի Սահմանադրական խորհուրդը զայն սահմանադրութեան հակասող ճանչցած էր:
