Սրտի դառն կսկիծով կը գուժեն իրենց գաղափարի վաստակաւոր, հաւատաւոր եւ նուիրեալ Ընկերուհի ՝ Արաքսի Սարգիսեան-Վիզոյեանի շիջման տխուր լուրը:
Հանգուցեալը երկար տարիներու իր բազմաշնորհ վաստակով, անսակարկ աշխատանքով, զինուած գաղափարական անշահախնդիր յատկանիշերով վստահաբար անջնջելի հետքը ձգեց իր շրջանակէն ինչպէս նաեւ իր գաղութէն ներս:
Այս տխուր առիթով մեր խորազգաց ցաւակցութիւնները կը յայտնենք հանգուցեալին որդւոյն Ընկ. Յարութ Վիզոյեանին եւ Տիկնոջ Ընկ.հի Ցոլա Պէշլեան-Վիզոյեանին, հանգուցեալին դուստրին Ընկ.հի Թալին Վիզոյեան- Սթամպուլեանին եւ ամուսնոյն Հրակ Սթամպուլեանին ինչպէս նաեւ թոռներուն, եղբօրը՝ Վարուժան Սարգսեանին, քրոջը՝ Արփինէ Սարգիսեան Նագգաշեանին եւ իր բոլոր պարագաներուն:
Կը ցաւակցինք նաեւ Սուրիոյ ՌԱԿ-ի եւ ԹՄՄ-ի բոլոր մեր ընկերուհիներուն եւ ընկերներուն թանկագին մեր Ընկերուհի Արաքսի Վիզոյեանի թախծալից մահուան առթիւ:
Յարգանք իր վաստակին.
Յիշատակդ անթառամ մնայ Ընկ.հի Վիզոյեան:
Ռամկավար Ազատական Կուսակցութեան
Հալէպի Շրջանային Վարչութիւն
24 Նոյեմբեր, 2015
