ՀՀ պետական պիւտճէի 2016 թուականի նախագիծով՝ մշակոյթի ոլորտին կը նախատեսուի յատկացնել 13 միլիառ 627 միլիոն 379.6 հազար դրամ:
Այս մասին ըստ Panorama.am-ի յայտնած են ՀՀ մշակոյթի նախարարութենէն` ի պատասխան այն հարցին, թէ ընդհանուր առմամբ 2016-ի պետական պիւտճէէն որքա՞ն գումար պիտի յատկացուի մշակոյթի ոլորտին եւ այդ գումարէն իւրաքանչիւր ուղղութեան որքան գումար պիտի տրուի:
«Գրադարաններ»-ուն պիտի տրուի 1.772.546.1 հազար դրամ, «Թանագարաններ եւ ցուցասրահներ»-ուն` 2.274.412.0 հազար դրամ, «Մշակոյթի տուներ, ակումբներ, կեդրոններ»-ուն` 47.110.5 հազար դրամ, «այլ մշակութային կազմակերպութիւններ»-ուն (արխիւային, մշակութային արժէքներու փորձաքննութիւն եւ այլն)` 1.141.771.2 հազար դրամ, «Արուեստ»-ին` (թատերարուեստ, երաժշտարուեստ, կերպարուեստ, պարարուեստ եւ այլ մշակ. ծրագիրներ)` 7.259.365.8 հազար դրամ, «Կինեմատոգրաֆիա»-ին (ֆիլմարտադրութիւն, ֆիլմ-լուսանկարչութիւն-ֆոնօ հաւաքածոյի պահպանում, թուայնացում եւ այլն)` 658.714.7 հազար դրամ:
«Յուշարձաններու եւ մշակութային արժէքներու վերականգնում եւ պահպանում» ուղղութեան համար պիտի յատկացուի 473.459.3 հազար դրամ, ներառեալ
– պատմամշակութային ժառանգութեան գիտահետազօտական աշխատանքներ` 101.119.3 հազ. դրամ,
– յուշարձաններու ճարտարագիտական վիճակի կարգաւորում` 8.340.0 հազ. դրամ,
– աջակցութիւն հայկական պատմամշակութային յուշարձաններու վաւերագրման` 60.000.0 հազ. դրամ,
– յուշարձաններու ամրակայում, նորոգում եւ վերականգնում` 300.000.0 հազ. դրամ,
– աջակցութիւն Թիֆլիսի մէջ գտնուող Հայ գրողներու պանթէոնի պահպանման` 4.000.0 հազ. դրամ:
Նշենք, որ «2015 թուականի պետական պիւտճէի մասին» Հայաստանի Հանրապետութեան օրէնքով, մշակոյթի ոլորտին յատկացուած էր 15 միլիառ 539 միլիոն 777 հազար դրամ:
