Նախկին սահմաններուն վերադարձ պիտի չըլլայ: Այս մասին յայտարարեց ԼՂՀ նախագահի մամուլի քարտուղար Դաւիթ Բաբայեան, NEWS.am-ի խնդրանքով մեկնաբանելով եօթ շրջաններու հետ կապուած՝ ԵԱՀԿ Մինսքի խումբի ամերիկացի համանախագահ Ճէյմս Ուորլիքի յայտարարութեան վերաբերեալ ԱՓԱ-ի հրապարակած տեղեկութիւնը:
Դաւիթ Բաբայեանի խօսքով, ազրպէյճանական լրատուամիջոցները յաճախ այդպիսի տեղեկութիւններ կը հրապարակեն, իսկ երբեմն այնքան կը տարուին, որ միջնորդներուն «Ազրպէյճանին Լեռնային Ղարաբաղը վերադարձնելու մասին» յայտարարութիւններ կը վերագրեն:
ԱՓԱ գործակալութեան հրապարակման համաձայն, Ճէյմս Ուորլիք յայտարարած է, թէ Լեռնային Ղարաբաղի 7 շրջանները Ազրպէյճանի վերահսկողութեան վերադարձնելը՝ հակամարտութեան հակակողմանի կարգաւորման մաս կը կազմէ:
