Պաշտպանութեան բանակի (ՊԲ) տուեալներու համաձայն, 19 Նոյեմբեր լոյս 20-ի գիշերը, Ղարաբաղա-ազրպէյճանական հակամարտ զօրքերու շփման գիծին վրայ, հակառակորդին կողմէ հրադադարը խախտած է շուրջ 70 անգամ, որու ընթացքին տարբեր տրամաչափի զինատեսակներէ, ինչպէս նաեւ 60 մմ-ոց ականանետերէ (3 արկ), հայ դիրքապահներու ուղղութեամբ արձակուած են աւելի քան 900 կրակոցներ:
ԼՂՀ պաշտպանութեան նախարարութեան մամուլի ծառայութեան փոխանցմամբ, ՊԲ յառաջապահ ստորաբաժանումներու կողմէ ձեռնարկուած համապատասխան գործողութիւններու իբր արդիւնք, հակառակորդին կարակոցները ճնշուած են: Շփման գիծի ամբողջ երկայնքով հայ դիրքապահները կը շարունակեն՝ վստահօրէն իրականացնել իրենց առջեւ դրուած մարտական խնդիրները:
