Ղարաբաղա-ազրպէյճանական հակամարտ զօրքերու սահմանագիծին վրայ, 16 Նոյեմբերի եւ լոյս 17ի գիշերը, հակառակորդին կողմէ հրադադարը խախտած է շուրջ 40 անգամ, որուն ընթացքին տարբեր տրամաչափի հրաձգային զինատեսակներէ, ինչպէս նաեւ Հան-17 տիպի նռնականետէ, հայ դիրքապահներու ուղղութեամբ արձակուած են աւելի քան 1000 կրակոցներ:
Լեռնային Ղարաբաղի Հանրապետութեան պաշտպանութեան նախարարութեան մամուլի ծառայութեան փոխանցած տեղեկութիւններով` Պաշտպանութեան բանակի առաջապահ զօրամասերը լիակատար վերահսկողութիւն կը պահպանեն առաջնային գիծերուն վրայ եւ կը շարունակեն վստահօրէն իրականացնել իրենց առջեւ դրուած մարտական խնդիրը:
