Սուրիոյ քաղաքացիական պատերազմի ընթացքին մօտ 300 հնագիտական յուշարձան ոչնչացուած է: Այս մասին յայտնած է երկրի հնութիւններու եւ թանգարաններու վարչութեան գլխաւոր տնօրէն Մաամուն Ապտուլքարիմը:
«Աւելի քան 10.000 յուշարձանէն, որոնք կը գտնուին Սուրիոյ մէջ, 300-ը վնասուած են 4 տեսակի աւերածութեան պատճառով»,- ըստ Tert.am-ի՝ յայտնած է պաշտօնեան:
Անոր խօսքով` մշակութային կառոյցներու կործանումը հետեւանքն է գրոհայիններու եւ կառավարական զօրքերու միջեւ բախումներուն, ինչպէս նաեւ անօրինական պեղումներու:
Ապտուլքարիմը նշած է, որ 2012-ի ամրան վերջը, երբ բռնութիւնը դարձած է համատարած, իրենք փակած են Սուրիոյ բոլոր թանգարանները եւ սկսած են նմուշները տեղափոխել ապահով եւ հսկուող վայրեր:
