Հակառակորդը կը շարունակէ տարբեր զինատեսակներու կիրառումով խախտել հրադադարը:
12 Նոյեմբերին ժամը 21:00ի ատեն, Պաշտպանութեան Բանակի (ՊԲ) հարաւային ուղղութեամբ տեղակայուած զօրամասերէն մէկուն՝ պահպանութեան տեղամասի մարտական յենակէտին վրայ, հակառակորդի կողմէ արձակուած կրակոցներէն զոհուած են զինուորական ծառայողներ՝ Վահէ Վարդգէսի Վանոյեանը (1995թ.) եւ Միքայէլ Առաքելի Թորոսեանը (1996թ.):
Դէպքի մանրամասնութիւնները պարզելու համար կը կատարուի քննութիւն:
ԼՂՀ Պաշտպանութեան նախարարութիւնը կը կիսէ կորստեան ծանր վիշտը եւ իր զօրակացութիւնը կը յայտնէ մահացած զինուորական ծառայողներու ընտանիքներու անդամներուն, հարազատներուն եւ ծառայակիցներուն։ Այս մասին կը յայտնէ ԼՂՀ ՊՆ մամուլի ծառայութիւնը:
