Հայոց Ցեղասպանութեան ճանաչման աջակցելու համար, Ուրուկուէյի կառավարութիւնն ու ժողովուրդը յատուկ յուշամետալ պիտի ստանան, կը տեղեկացնէ «Արցախփրես»ը՝ վկայակոչելով Radio Monte Carlo-ն:
Ուրուկուէյի մէջ Ցեղասպանութեան հարիւրերորդ տարելիցի ոգեկոչման ձեռնարկները համակարգող յանձնաժողովը, յուշամետալը պիտի շնորհէ երկրի նախագահ Թապարէ Վասքեսին:
Այս առթիւ պիտի պարգեւատրուի նաեւ ուրուկուէյցի քաղաքական գործիչ եւ լրագրող Ուաշինկթըն Պելտրան Մուլինը, որ 1965ին նախագահած է երկրի կառավարութեան Ազգային խորհուրդը, երբ ներկայացուած է «Հայոց Ցեղասպանութեան զոհերու ոգեկոչման օր» սահմանելու մասին օրէնքը:
