Լեռնային Ղարաբաղի հակամարտութեան կարգաւորման հիմնախնդիրով զբաղող ԵԱՀԿ Մինսքի խումբի համանախագահներ Իկոր Փոփով (Ռուսիա), Ճէյմս Ուորլիք (ԱՄՆ) եւ Փիեր Անտրիւ (Ֆրանսա), Պերլինի մէջ հանդիպած են Գերմանիոյ արտաքին գործոց նախարար Ֆրանք Վալթեր Շթայնմայըրի հետ: Կողմերը քննարկած են արցախեան հիմնահարցը խաղաղ ճանապարհով կարգաւորելու խնդիրը:
Ինչպէս կը հաղորդէ «Արմէնփրես»ը, այս մասին Instagram-ի իր էջին մէջ յայտնած է Մինսքի խումբի ԱՄՆ համանախագահ Ճէյմս Ուորլիք: «Ուրախ եմ Պերլինի մէջ հանդիպելու Գերմանիոյ արտաքին գործոց նախարար Շթայնմայըրի հետ` քննարկելու Լեռնային Ղարաբաղի հակամարտութեան խաղաղ կարգաւորման հարցը», նշած է Ուորլիք:
