Կարմիր խաչի միջազգային կոմիտէի (ԿԽՄԿ) հովանիին տակ, ազրպէյճանական Ղազախ եւ հայկական Իջեւան քաղաքներու միջեւ անցնող ճամբուն միջազգային սահմանին վրայ, երէկ տեղի ունեցած է սահմանը հատած 76ամեայ կնոջ վերադարձը:
Գործելով որպէս չէզոք միջնորդ եւ իր յանձնագրին համաձայն` ԿԽՄԿն աջակցած է այս հայրենադարձման` գործելով Ազրպէյճանի եւ Հայաստանի իշխանութիւններուն հետ համատեղ: Մինչեւ վերադարձը հայ կինը ԿԽՄԿի աշխատակիցներուն հաւաստիացուցած է, որ կը վերադառնայ Հայրենիք իր յօժար կամքով, ըսուած է ԿԽՄԿի տարածած հաղորդագրութեան մէջ:
Տաւուշի մարզի սահմանամերձ Կոթի գիւղի բնակչուհի Լուսիկ Աբովեան՝ 8 Նոյեմբեր 2015ին հատած էր միջազգային սահմանը` յայտնուելով Ազրպէյճանի մէջ:
