Երկուշաբթի, 26. 02. 2024

spot_img

Շահեկան Բանախօսութիւն Համշէն-«Հեմշիլ»ներու Եւ Տերսիմի Ու Իրաքեան Քիւրտիստանի Մասին

Նախաձեռնութեամբ Հ.Բ.Ը.Մ.ի վարժարաններու տնօրէնութեան, հայրենասիրութեան ոգիով դաստիարակուող աշակերտութիւնը, 3 Նոյեմբերի յետմիջօրէին, Սին էլ-Ֆիլի Զապէլ Մովսէսեան դահլիճին մէջ հանդիպեցաւ ծանօթ լրագրող Համօ Մոսկոֆեանի եւ համակարգիչներու մասնագէտ Վիգէն Թոսունեանի հետ։

Ամբողջ ժամ մը շարունակ, Համօ Մոսկոֆեանի բանախօսութիւնը պիտի յատկացուէր Ղրղըզստանի եւ հարաւ-արեւմտեան Ռուսիոյ ու Թուրքիոյ համշէնահայերու ոդիսականին, Տերսիմի հայոց եւ Իրաքեան Քիւրտիստանի հերոս հայ գաղթօճախի կեանքին։

Տնօրէն Պրն. Արա Վասիլեան եւ Դոկտ. Պարոյր Աղպաշեան, բանախօսութեան սկիզբը ներկայացուցին յարգելի հիւրը ու վերջին տարիներու իր գործունէութիւնը աշխարհի բազմաթիւ երկիրներուն մէջ։

Ապա օրուան հիւրը անդրադարձաւ 1944ին Ղրղըզստան եւ Ղազախստան աքսորուած Վրաստանի համշէնահայերուն մասին, որոնց ղեկավար Ռուսլան Քարապաճաքով, որ կրօնափոխ եղած «Հեմշիլ»-համշէնահայերու վերադարձը դէպի ազատատենչ Արցախ եւ Հայաստան կազմակերպողներէն է, հանդիպումներ ունեցած է Համօ Մոսկոֆեանի հետ, ՝ որ նոյնպէս ներկայ եղած եւ նկարահանած «Համշէնական» պատմական հարսանիք մը՝ Ռոստովի եւ Քամինօ-Շախթինսկի մարզի Ֆետերցովքա գիւղին մէջ։ Ապա խօսուեցաւ նաեւ հայ ժողովուրդի պատմական օրրան՝ Տերսիմի (Տէր Սիմոնի) կրօնափոխ հայերու, ալեուի զազաներու եւ արեւապաշտ քզըլպաշներու մասին՝ որոնք նաեւ մեր եղբայրներն ու քոյրերն են, բազմիցս կոտորածներու եւ ցեղասպանութեան ենթարկուած։

Այլ գետնի վրայ պանծալի էջեր կը գրեն մեր ժողովուրդի արդի պատմութեան մէջ՝ Իրաքեան Քիւրտիստանի հայազգի հերոսները, ղեկավարութեամբ Հավրէզք գիւղէն հրամանատար Մուրատ Վարդանեանի, Իրաքեան Քիւրտիստանի խորհրդարանական Երուանդ Ամինեանի եւ այլոց։ Որպէսզի այս բոլոր տուեալները աւելի հասկնալի ըլլան Հ.Բ.Ը.Մ.ի վարժարաններու աշակերտութեան, ցուցադրուեցան հայրենի «Շանթ» եւ «Երկիր Մետիա» ու Լիբանանեան «Մուսթաքպալ» պատկերասփիւռային կայաններուն հետ լրագրող Համօ Մոսկոֆեանի հարցազրոյցները, ուր կը ներկայացուին նաեւ վերոյիշեալ երկիրներուն մէջ կատարուած նկարահանումներէն տեսարաններ։

Հանդիպման աւարտին շնորհակալութիւն յայտնելով Համօ Մոսկոֆեանին եւ Վիգէն Թոսունեանին, որպէս նախկին Յովակիմեան-Մանուկեանի շրջանաւարտներ, տնօրէն Արա Վասիլեան խորհուրդ տուաւ ներկայ աշակերտութեան՝ հայրենասիրութեան ուղիով ընթանալ իրենց ամբողջ կեանքի ընթացքին։

Ձեռնարկի աւարտին հիւրերը պարգեւատրուեցան վարդափունջերով։

 ԹՂԹԱԿԻՑ

2

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին