Ղարաբաղա-ազրպէյճանական հակամարտ զօրքերու շփման գիծին վրայ 9 Նոյեմբերին եւ լոյս 10ի գիշերը, հակառակորդին կողմէ հրադադարը խախտած է շուրջ 60 անգամ, որու ընթացքին տարբեր տրամաչափի հրաձգային զինատեսակներէ եւ 60 միլիմեթրանոց ականանետէ՝ հայ դիրքապահներու ուղղութեամբ արձակուած են աւելի քան 800 կրակոցներ:
ԼՂՀ Պաշտպանութեան նախարարութեան մամուլի ծառայութեան փոխանցմամբ` Պաշտպանութեան բանակի առաջապահ զօրամասերը կը շարունակեն վստահօրէն իրականացնել մարտական հերթապահութիւն` անհրաժեշտութեան պարագային դիմելով նաեւ պատասխան գործողութիւններու:
