Արցախի հանրապետութեան նախագահ Բակօ Սահակեան, 6 Նոյեմբերին ընդունած է «Արցախ. ապագայի տեսլականներ» մրցոյթի կազմակերպիչները` հրապարակախօս Տենիս Տուորնիկովին, մրցոյթի հովանաւոր Միքայէլ Տէր-Սահակեանին եւ «Ռուս-հայկական համագործակցութիւն» կազմակերպութեան նախագահ Եուրի Նաւոյեանին: Այս մասին կը յայտնեն Արցախի նախագահի մամլոյ ծառայութենէն:
Նախագահ Սահակեան կարեւոր համարած է այսպիսի նախաձեռնութիւնը` զայն համարելով երիտասարդութեան շրջանին մէջ գրական միտքի զարգացման եւ Արցախը արտաքին աշխարհին ներկայացնելու իւրատեսակ դրսեւորում` յոյս յայտնելով, որ անիկա կը կրէ շարունակական բնոյթ:
Հանդիպման կը մասնակցէին ԼՂՀ կրթութեան, գիտութեան եւ մարմնակրթութեան նախարար Սլաւա Ասրեան, մշակոյթի եւ երիտասարդութեան հարցերու նախարար Նարինէ Աղաբալեան:
