Հայաստանի Արտաքին Գործոց նախարար Էտուարտ Նալպանտեանի հրաւէրով, 9 Նոյեմբերին աշխատանքային այցով Հայաստան պիտի ժամանէ Ռուսիոյ Արտաքին գործոց նախարար Սերկէյ Լաւրով:
Ինչպէս կը տեղեկացնէ ՀՀ Արտաքին գործոց նախարարութեան մամուլի, տեղեկատուութեան եւ հասարակայնութեան հետ կապի վարչութիւնը, Երեւանի մէջ Ռուսիոյ ԱԳ նախարարը պիտի հանդիպի ՀՀ նախագահ Սերժ Սարգսեանի հետ:
Այցի ընթացքին պիտի կայանան Հայաստանի եւ Ռուսիոյ արտաքին քաղաքական գերատեսչութիւններու ղեկավարներուն բանակցութիւնները, որոնց պիտի յաջորդէ Էտուարտ Նալպանտեանի եւ Սերկէյ Լաւրովի համատեղ մամուլի ասուլիսը:
