8 Նոյեմբերին Աւստրալիոյ Ուիլոուպ քաղաքին մէջ, Աւստրալիոյ եւ Նոր Զելանտիոյ Հայոց թեմի առաջնորդ գերաշնորհ Տէր Հայկազուն եպիսկոպոս Նաճարեանի բարձր հովանիի ներքոյ, տեղի ունեցաւ Հայոց Ցեղասպանութեան 100րդ տարելիցին նուիրուած Յիշատակի խաչքարի բացման եւ օրհնութեան արարողութիւն:
Այս մասին կը տեղեկացնէ Սիտնիի Սուրբ Յարութիւն եկեղեցւոյ Ֆէյսպուքի էջը:
Ձեռնարկը իրականացաւ Սիտնիի Սուրբ Յարութիւն եկեղեցւոյ կազմակերպութեամբ եւ Ուիլոուպի քաղաքային խորհուրդի համագործակցութեամբ:
Աւելցնենք, որ Մայիս 2015ին Աւստրալիոյ Ուիլոուպի Քաղաքային խորհուրդը՝ Հայոց Ցեղասպանութիւնը ճանչցող բանաձեւ ընդունած էր:
