4 Նոյեմբերի եւ լոյս 5ի գիշերը, ղարաբաղա-ազրպէյճանական հակամարտ զօրքերու շփման գիծին վրայ, հակառակորդին կողմէ հրադադարը խախտած է շուրջ 60 անգամ, որուն ընթացքին տարբեր տրամաչափի հրաձգային զինատեսակներէ, հայ դիրքապահներու ուղղութեամբ արձակուած է աւելի քան 1000 կրակոց: Այս մասին կը յայտնեն ԼՂՀ Պաշտպանութեան բանակի (ՊՆ) մամուլի ծառայութենէն:
Բացի տարբեր տրամաչափի հրաձգային զինատեսակներէ, ազրպէյճանական բանակի առաջապահ ստորաբաժանումները, Պաշտպանութեան բանակի հիւսիսային հատուածին տեղակայուած զօրամասերու ուղղութեամբ կիրառած են 82 միլիմեթրանոց ականանետ` արձակելով 7 արկ:
Պաշտպանութեան բանակի առաջապահ զօրամասերը լիակատար վերահսկողութիւն կը պահպանեն առաջին գիծին վրայ եւ կը շարունակեն վստահօրէն իրականացնել իրենց առջեւ դրուած մարտական պարտականութիւնը:
