Փարիզի մէջ 4 Նոյեմբերին Եւրոպական խորհուրդի խորհրդարանական վեհաժողովի (ԵԽԽՎ) Քաղաքական յանձնախումբի նիստի ընթացքին, ձայներու 24 կողմ, 16 դէմ յարաբերակցութեամբ, համաձայնութեան արժանացած է բրիտանացի պատգամաւոր Ռոպըրթ Ուոլթըրի` «Բռնութեան մագլցումը Լեռնային Ղարաբաղի եւ Ազրպէյճանի այլ գրաւեալ տարածքներու մէջ» հակահայ զեկուցումը: Այս մասին կը հաղորդէ Tert.am-ը:
Յունուար 2016ին զեկուցումը պիտի քննարկուի Եւրոպական խորհուրդի խորհրդարանական վեհաժողովի լիագումար նիստին:
Հայկական պատուիրակութեան առաջարկը` «քննարկումը դադրեցնելու եւ նշանակելու նոր զեկուցող մը, որ չըլլայ ընդգծուած ազրպէյճանամէտ եւ Պաքուի կամակատար», մերժուած է:
