Վիեթնամ կը քննարկէ Հայոց Ցեղասպանութեան ճանաչման հնարաւորութիւնը: Այդ մասին Միջազգային յարաբերութիւններու Մոսկուայի պետական հիմնարկի շրջանաւարտներու 3-րդ Միջազգային համաժողովի ծիրէն ներս, Ծիծեռնակաբերդ կատարած այցէն ետք NEWS.am-ի թղթակիցին հետ զրոյցի ընթացքին ըսաւ՝ Վիեթնամի արդարադատութեան նախարար Հա Եունկ Կունգը:
“Մենք կը քննարկենք Հայոց Ցեղասպանութեան ճանաչման հարցը: Ընդհանուր առմամբ Վիեթնամը կը դատապարտէ որեւէ ազգի դէմ իրականացած ցեղասպանութիւնը”, ըսաւ նախարարը:
Անդրադառնալով Երեւանի եւ Հանոյի միջեւ յարաբերութիւններու պատմութեան` Հա Եունկ Կունգը նշեց, որ երկու երկիրներու միջեւ միշտ բարեկամական յարաբերութիւններ եղած են, իսկ Վիեթնամի պատերազմի տարիներուն Հայաստանը օգնած է աւելի քան 1000 քատրերու նախապատրաստման գործին: Անոնցմէ շատեր մինչ օրս կ’աշխատին ինչպէս պետական համակարգի, այնպէս ալ երկրի տարբեր կազմակերպութիւններու մէջ:
“Անիկա մեր յարաբերութիւններու ժառանգութեան մէջ մեծ ներդրում է, զոր պէտք է յետայսու եւս զարգացնել”,ամփոփեց նախարարը:
