Հայաստանի մէջ 6 Դեկտեմբերին կայանալիք Սահմանադրութեան մէջ փոփոխութիւններու հանրաքուէի քուէարկութիւնը կազմակերպելու եւ իրականացնելու նպատակով, հանրապետութեան տարածքին օրէնքով սահմանուած կարգով կազմուած են 1997 տեղամասեր, սահմանուած են տեղամասերու հերթական թիւերը եւ տեղամասային կեդրոնները:
Ինչպէս կը հաղորդէ «Արմէնփրես»ը՝ վկայակոչելով ՀՀ Կեդրոնական ընտրական յանձնաժողովի՝ ԿԸՅ-ի համացանցային կայքին մէջ հրապարակուած ՀՀ դիւանագիտական եւ հիւպատոսական ներկայացուցչութիւններու մէջ դիւանագիտական ծառայութիւն ընող, հանրաքուէին մասնակցելու իրաւունք ունեցող քաղաքացիներու եւ անոնց հետ արտերկրի մէջ բնակող ընտանիքի` հանրաքուէին մասնակցելու իրաւունք ունեցող անդամներուն ցուցակը: Անոնց քուէարկութիւնը պիտի իրականանայ ելեկտրոնային միջոցով: Հանրաքուէին ելեկտրոնային ձեւով քուէարկողներու ցուցակին մէջ ընդգրկուած է 265 քաղաքացի:
