2016 թուականին Վանաձորի մէջ պիտի բացուի «Թումօ» ստեղծարար արհեստագիտութիւններու կեդրոնի մասնաճիւղը:
Այդ մասին ըսած է ՀՀ նախագահ Սերժ Սարգսեան` 20 Հոկտեմբերին Լոռիի մարզի ղեկավարութեան հետ ունեցած խորհրդակցութեան ժամանակ, կը գրէ «Մետիամաքս»ը:
Նախագահը ըսած է, որ յաջորդ տարի Վանաձորի մէջ շահագործման պիտի յանձնուի
արհեստագիտութիւններու կեդրոնը, որ պիտի նպաստէ գիտատար եւ առաջաւոր նախաձեռնութիւններու իրագործման:
«Դրա հետ զուգահեռ պէտք է լուծենք նաեւ Վանաձորում «Թումօ» կեդրոնի մասնաճիւղի գործունէութեան խնդիրը: Բոլոր պարագաներում «Սիմոնեան կրթական հիմնադրամ»ը 2016թ. ունենալու է նաեւ «Թումօ» կեդրոնի մասնաճիւղ Վանաձորում: Բարերարի հետ ես արդէն խօսել եմ եւ կան մարդիկ, ովքեր այդ ծախսերն իրենց վրայ են վերցնելու, եւ ոչ միայն Վանաձորի, այլեւ Լոռու մարզի այլ բնակավայրերի երեխաները հնարաւորութիւն են ունենալու՝ փորձարկել իրենց ունակութիւնները նաեւ այդ ոլորտում», ըսած է Սերժ Սարգսեան:
