Աշխատանքային այցելութեամբ Սպանիա գտնուող Հայաստանի նախագահ Սերժ Սարգսեան, Մատրիտի մէջ մասնակցեցաւ Եւրոպական ժողովրդական կուսակցութեան համագումարին:
Համագումարին կը մասնակցէին Եւրոպական խորհուրդի եւ Եւրոպական յանձնաժողովի նախագահներ Տոնալտ Թուսքը եւ Ժան-Քլոտ Եունքերը, Եւրոպական Միութեան անդամ եւ Արեւելեան գործընկեր երկիրներէ Եւրոպական ժողովրդական կուսակցութեան անդամակցող կուսակցութիւնները ներկայացնող՝ պետութիւններու եւ կառավարութիւններու ղեկավարներ:
Նախագահի պաշտօնական կայքին փոխանցումով` Սերժ Սարգսեան համագումարի ընթացքին հանդէս եկած է ելոյթով` յայտարարելով, թէ Եւրոպական Միութեան հետ յարաբերութիւններուն մէջ Հայաստանը հասած է պատասխանատու հանգրուանի:
